搜尋
 
 

結果按:
 


Rechercher 進階搜尋

最新主題
» 【新股大改革】港交所公布「上市新玩法」
周六 6月 17, 2017 6:13 pm 由 p-ma

» 電療前飽餐助抗鼻咽癌
周四 6月 15, 2017 1:21 pm 由 p-ma

» 糖尿病人
周四 6月 15, 2017 1:09 pm 由 p-ma

» 多飲水防痛風發作
周四 6月 15, 2017 12:05 pm 由 p-ma

» 新標靶藥治肺癌效果佳
周二 6月 13, 2017 12:58 pm 由 Dino

» 港交所加力打養殼
周一 6月 12, 2017 10:56 pm 由 Dino

» 「四電一腦」牌下周一接受申請 回收業稱門檻高促放寬土地限制
周一 6月 12, 2017 10:13 pm 由 Dino

» 中成藥註冊 實施倉促添亂
周五 6月 09, 2017 6:45 pm 由 Dino

» 食木本堅果 腸癌復發率大減
周四 6月 08, 2017 11:03 am 由 Dino

合作伙伴
免費論壇

免费论坛

brothersoft.com

商業信託

上一篇主題 下一篇主題 向下

商業信託

發表 由 999 于 周三 6月 15, 2011 2:30 am

電訊盈科發出,講及商業信託( business trust),記者 G話香港未有過,佢自己唔多明白,請左丁山解釋。嘩,左丁山對一啲最新金融集資方式, out out哋喇喎,點講呀,但新款事物唔識唔得,立即向賓架 R請教,賓架 R真唔話得,叫下屬送來一本小冊子 Introduction to Business Trust,睇完就可以作狀識少少,扮代表。簡單啲講:
(一)商業信託係「公司」與「信託」之混合結構,成立之宗旨為擁有一項具備穩定增長及現金流之生意,例如基建項目,公用事業。

(二)商業信託有澳洲式( stapled structure)、美國式( master limited partnership),及加拿大式( royalty trust),分別應用於基建、石油及氣田、能源開發等生意項目。

(三)商業信託有幾項特徵:(甲)可投資於各類資產;(乙)從營運現金流( operating cash flow)派息,(不是從稅後純利派發股息);(丙)無最低派息比率及負債比率;(丁)要交利得稅;(戊)設一個信託人/經理人。整個結構係:保薦人及公眾持有商業信託;信託擁有資產項目,資產項目向信託人/經理人交管理費,信託人/經理人由保薦人( sponsor即分拆業務之公司)百分百持有,信託人/經理人向商業信託提供管理及信託服務,同時向商業信託徵收信託費及管理費。

(四)亞太區內,澳洲有商業信託,新加坡在 2004年首先接納商業信託, 2009年五月有第一隻商業信託上市。

(五)商業信託之好處:對保薦人而言,可以有一個機制獲取套現,取得新資金作長期增長用途,產生流動性而仍然控制原有資產,取得管理費收益,取得長期及穩定派息。

(六)對投資者而言,主要係取得較高派息比率,穩定股息,故此一啲退休基金、穩定基金幾喜歡持有商業信託基金單位。
商業信託在澳美加新行之有年,成為一啲成熟兼穩定業務嘅集資途徑,新加坡國營公司淡馬錫就已將一啲成熟業務(如煤氣)分拆,以商業信託形式上市。

999
訪客


回頂端 向下

回復: 商業信託

發表 由 999 于 周日 6月 19, 2011 6:36 pm

提及 stapled securities(合訂證券),電盈分拆商業信託,會以此方式上市。目前香港冇合訂證券上市,如果電盈申請成功,會開先河,澳洲就有不少,常見例子就係房地產、基建/公用事業透過合訂證券在澳交所上市買賣,英文 stapled嘅意思就係「訂埋」,訂書機就叫做 stapler,將兩類證券「訂埋」一齊就係「合訂證券」。

香港點解又要引進呢?最主要原因係香港目前冇明確法律規管商業信託,單純商業信託可在新加坡上市,可在澳洲上市,但仍然不能在香港上市。如果要諗辦法,就係要求商業信託發行人將(一)商業信託單位及(二)一般證券(如股票)訂埋一齊,不可分割地,以合訂證券形式上市,如此一來,港交所、證監會就將公司法、上市條例嘅規管方法嚟監管呢個商業信託。

呢種係好技術性嘅問題,最終目的就係在香港未有商業信託上市條例之前,仍然有法可依,落實監管,保障投資者之法律權益。至於買賣合訂證券咯喎,價錢自然有升有跌,冇人能夠保證只係賺,不會蝕,風險要自負。

以商業信託形式將成熟穩定嘅業務上市,睇落與地產信託投資基金( REIT)非常相似,領匯有 REIT王之稱,基金單位價上升,派息有保證,其他 REITs嘅表現亦唔差,相信他日電盈之商業信託合訂證券嘅投資者會係類似一班人,分析師對合訂證券之估值,亦會考慮到 REIT嘅模式。現時電盈嘅歷史周息率有 4.78%左右,仲高過領匯嘅周息率 4.2%,唔怪得一啲退休基金對構思中之電盈商業信託合訂證券(目前係初步意向)話:「會諗諗佢。」

左丁山素來係自由市場派,認為外國金融界之新生事物(其實已經新咗好耐),香港仍然冇嘅,不妨諗諗佢,考慮引入,俾不同類型投資者有多啲選擇。依家利率咁低,存款冇啖好食,退休基金、大學留本基金( endowment fund)以至私人退休儲蓄無不為「食息」頭痛。點解呢個時候會有大公司推出商業信託呢,當然係迎合市場需要啦。

999
訪客


回頂端 向下

上一篇主題 下一篇主題 回頂端


 
這個論壇的權限:
無法 在這個版面回復文章